Астана қаласы әкімдігінің  № 5 «Ақбота» балабақшасында Қарттар күніне орай «Қарттарын қадірлеген ел ардақты » тақырыбында мерекелік  іс-шара  өткізілді. Сонымен қатар, 2023 жылдың қыркүйектің 25 күні ата-аналармен жәрмеңке ұйымдастырылып, жиналған қаражатқа «Шарапат» әлеуметтік қызмет көрсету орталығының қарияларына арнайы сыйлық  алынды.  Жетімін жылатпаған, жесірін қаңғыртпаған,  ақсақалын абызға балаған елдің ұрпағы қазіргі кездегі Қарттар үйі деген атауға еті үйренбесін деген ниетпен аталмыш іс-шара ұйымдастырылып, Қарты бардың - қазынасы бар» демекші, үлкенді сыйлау балабақшадан бастау алды.