Мамыр мерекелерінің іс-шаралар жоспарына сәйкес, балабақшаның мектепалды топтары ҚР Қарулы күштерінің Әскери-тарихи мұражайына саяхат жасады. Саяхат барысында балалардың өмір қауіпсіздігі барлық талаптарға сай ұйымдастырылды. Саяхат ежелгі кезеңнен бүгінгі күнге дейінгі қазақ халқының әскери тарихынан сыр шертетін ескерткіштер, сирек кездесетін экспонаттарды өз қорына жинақтаған музейге апару арқылы балалардың танымын кеңейтіп, еліміздің батырларына деген құрметтерін, патриоттық сезімдерін арттыру мақсатында жасалды.
